| 22歲啦~好老啦…響度要多謝咁多位同我講生日快樂o既朋友~ 第一次返住工過生日，同平時咪又係一樣~ 不過晏晝自己team同事lunch一齊食飯，又買左蛋糕慶祝，多謝哂~ 夜晚出左去食飯，普通的一餐，都不錯吧~ 以往每年都會有特別o既生日願望，例如考好會考、入大學、搵好工咁… 而家順利經歷哂呢d階段，都冇呢方面o既願望啦… 今年就希望可以同家人、朋友的關係更加好啦~ |
| 今日都係繼續做返份大job，期間都有一兩少大陸野要跟返， 應該黎緊一個禮拜都可以過充實o既生活，幾好~ |
| 今朝一開工就死哂network，咩都做唔到，全公司hea左半個鐘… 之後就如常開工啦…冇咩特別…時間都好快過~ 原來全組都有bonus，得我一個未過試用期冇，唉~ 仲有個幾星期先過試用期，過左唔知會點呢… 放工d server又要維修，6點鐘齊齊散水… |
| 呢幾日朝早都係食蒜蓉包做早餐…皆因星期三食晏果日食剩左成舊… d同事日日都叫我唔好再食，但我見食得唔好浪費咪食埋佢， 到而家都冇肚痛不適o既跡象丫~呵呵~ 工作方面都冇咩特別啦，做左兩個禮拜o既大job都差唔多完工~ 放左工返屋企怒上網、訓晏覺，好耐冇試過咁疏乎啦~ |
| 今日又開始冇野做咁滯啦… 還好同事有份野要幫手，足夠頂成日~ 呢排好似好多同事去旅行，手信檯擺滿野食… 我上次去旅行都已經係兩年前o既事啦… |
| 噚晚去左聽保險d野，勁累…真係要墊高枕頭諗清楚… 返到屋企都11點幾，再同阿媽傾左輪，都點幾先訓… 今朝返工，去左旅行果位同事返黎啦~諗住都會派返d job， 不過佢走左咁耐勁多野跟，結果我今日都好得閒…經常都訓著咁滯… |
| 今日返工，有d零零碎碎o既job，但整體黎講成日都好得閒… 晏晝仲要成堆高層去左開會，結果成間公司靜哂… 我就同隔離位同事icq講下是非，例如研究下邊個訓緊覺… 其實都係迫不得已…我唔「搵d野做」就輪到我訓啦… 聽日就星期六，太好啦~成個禮拜都唔夠訓呢… |
| 星期六，都幾輕鬆~雖然都係好多時冇野做，但時間都算過得幾快~ 放工之後去左搭叮叮，特登過中環湊下熱鬧，告別下天星碼頭… 去到勁多人拎相機影相，我都唔執輸影返輯寫真先~ 其實以前都幾鍾意搭小輪，因為搭得少嘛~ 而家成日搭就冇咩特別感覺啦，不過都幾舒服o既~訓得~ |
| 又返工啦~不過今朝都hea左一大輪，都要靠咖啡撐住… 今日都有幾份job做o既，不過都係手板眼見功夫，好快搞掂啦~ 6點鐘又準時收工，過多兩日就過probation啦~ |
| 今朝正當苦悶之際，突然聽到廣播，大廈搞火警演習… 叫「參加左」o既人去邊度集合…估唔到呢度都會搞呢d野… 不過我地公司似乎並冇參加，繼續如常工作… 至於我o既工作，都係間中幫同事check下d bug啦~ |
| 過左probation啦~應該~不過今日都係同平日一樣如常工作… hea左幾日，一次過黎幾份大陸o既job要debug，終於有充實o既日子過啦~ 睇黎都應該要忙返一兩日，不錯吧~ |
| 返工果然係一係就好得閒，一係就勁忙…今日開始又勁忙… 香港黎左份19版o既特大job，大陸就係咁要debug， 而且個個都話urgent，真係夾埋都冇咁o岩… 幸好都算應付到，除左一個bug真係諗爆頭唔知點搞… 一個睇落勁簡單o既問題都諗左大半日…真係返左工半年都冇試過… 同edward都傾左好耐…放工都未搞掂，聽日先算… 放左工又去左尖沙咀傾保險，今次坐低慢慢傾，都算了解哂d野啦~ 返屋企試下搭巴士，果然等車等好耐，而且都唔係好訓到… 下次都係搭返地鐵…冇左半價都係咁話~ |
| 嘩，今日edward放假，之後佢都會陸續放假，因為要清埋d年假… 不過今日一放假就有野要煩，要update個program上廣州個客度… 不過呢個客o既server認真唔簡單，send極都send唔到， 最後要請教其他組同事，將個file拆散n份逐舊拎過去，搞左成朝… 我地組連埋組長edward得三個programmer， 雖然平時做野多數我同另外個同事自己都搞得掂， 但始終有d突發事件，都未係咁易handle到呢… |
| 又返工，之前兩晚都唔夠訓，睡債唔知幾時先有機會還… 今日日子都過得好充實，皆因份19版大job仲未搞掂… 再加埋廣州不斷有bug掟過黎，還好都未做到陷入混亂~ |
| 第一次11月出黃雨，唔通真係閏一閏月就咩都tun遲d? 今日又要update program上廣州個客，不過今次順利好多啦~ 份19版o既job今日終於同同事夾手夾腳完成，唔知值得慶賀嗎? 未來兩日edward又放假，希望唔會過得太悶啦~ |
| 又一日「冇王管」o既日子，生活過得特別優閒~ 都有個幾禮拜未過過呢d日子啦，全日都勁眼訓，好辛苦… 間中都仲有d bug要de下o既~唔係真係咩建樹都冇… |
| 今日同噚日都差唔多，間中de下bug，更多o既時間係hea， 悶到走去同同事研究d同平時工作冇關o既野… 下晝收到阿媽來電，阿婆撞親頭爆血入左院… 撞到頭真係可大可小，擔心到放工即刻趕去醫院… 見到成個頭包住哂，幸好就話冇乜大礙，好好休息下吧… |
| 今日都係以debug工作居多，其實做做下發覺debug都幾有挑戰性~ 雖然有時要花唔少時間先搵到個bug，但搵到之後係幾有滿足感~ 晏晝搞掂好保險的事，叫做了結左件事啦… 阿婆今日搬左去瑪嘉烈，希望一切安好吧~ |
| 今日返半晝，時間好快過~suppose係o既~ 不過冇大job響手，始終hea果陣都係唔知點過好… 晏晝出左街，冇時間去醫院睇阿婆添… 聽日有公司聚會亦都去唔到，真係唔好意思…唯有禮拜一趕去… |
| 噚日同同事南丫島半日遊之後，今日又返工啦~ 沖左一杯咖啡，精神左一個上午咁啦… 今日有人黎做audit，因為我地公司做緊ISO嘛… 應該係睇下你公司d文件有冇執好咁卦… 班高層就好緊張，但同我呢d small totato就一d關係都冇… 結果成日都係hea住咁過，都冇咩job掂過手~ 仲有閒情食英式下午茶同研究成語… |
| 噚日放左工，同幾個中大同事返左中大拎袍，都成半年冇返過去啦… 大學除左火車站個位同多左幢實驗室大樓之外，都冇咩大變化~ 上到fulton，撞返唔少久違的engine朋友呢~ 借完袍等齊人，一班CE同學出左沙角打邊爐~有d都好耐冇見啦~ 今次都有一檯11人，好熱鬧呢~難得的一聚~ 時間轉眼就11點半，食到盡興就返歸啦~ 講返今日，lunch time約左全部今年畢業o既同事一齊影畢業相~ 食完lunch一班人就著哂畢業袍影相，好鬼型呢~ 全公司都有十幾個fresh grad，聚首一堂都幾熱鬧~ 夜晚出左荃灣食飯，慶祝今日舊曆生日喎~多謝哂~好飽的一餐~ 原來阿婆又入左院，只希望佢唔好感到太辛苦啦… |
| 通常edward放假就會有唔尋常o既事發生，今日都唔例外… 其實今日都係得d好濕碎o既job，不過有份大陸落黎o既就唔知點搞… 係話一個功能好慢都run唔到，但我check極都係唔知點解咁慢… 最後要勞煩到R&D同事去搞，雖然佢地睇完都嘖嘖稱奇… 結果成日都係做呢樣野，幸好冇其他野忙緊… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |