年月 日　
11月30日

11月1日

一到十二點正就收到一些網友的祝賀，
返到課室，都有唔少同學記得我生日，真開心！
第三堂時突然見到有D消防隊長經過，過左一陣果然有火警演習，
我地個課室響地下，即刻就出到操場了…
第五六堂測驗，某題目是「10 guests is invited to
Edward's birthday party.....」真係應景…
今次測驗好似做得幾好，生日可能有D運行…呵
食飯時有人同我唱生日歌(好似幾年冇發生過)，
放學後又有網友上來同我慶祝(雖然係似搗亂多D…)，
夜晚仲同屋企人落樓下打邊爐，
呢個生日真係好正！

11月2日

今日係學校一年一度旅行大日子，我地班今年係往石澳。
雖則已經係兩個月內第三次去那裡，但今次都幾好玩，
天氣又唔錯，又有BBQ，又有得玩飛碟排球，
而且今年好難得班會遊戲可以全班一齊玩，大家都玩得好開心，
但我今日就發現呢班成日都係分開幾group…
我BBQ時就在這幾group中走來走去…
到底，我應該屬於邊一group呢?
有冇方法令呢幾group合埋一齊?

11月3日

去完旅行後好[支力]，所以成日都家搞下網頁D野，
用左幾個鐘先執得哂班網D相…

11月4日

下午溫phy，夜晚出去揀左部DC做生日禮物($$$)，
都唔算好貴，功能都符合我要求，
可惜我番到屋企整o個陣，搞到webcam功能死左，
到而家仲未整得番好…

夜晚除左買PC之外仲有去旋轉餐廳食buffet($$)，
真係好正、好飽丫，可惜已經係最後一次去了…

11月5日

一朝早就有連續兩個宣佈…
放學又冇野做一早回家搞部DC，
研究左好耐都搞唔掂webcam功能…
(最後發覺原來係因為冇電)
掛住玩DC，都冇乜點做過其他野，
過幾日要加把勁了

11月6日

今日拎左部DC番學校係咁影，好好玩~
放學後有數學學會的集會，出席人數少得誇張，
連我個電腦學會的參觀報名人數都少得離譜，
都唔知點解今日D人咁唔踴躍…
返到家繼續搞電腦D野，但部機唔知為乜事狂hang，
希望只係短暫性故障啦…

11月7日

個報案中心參觀仍然冇乜人參加，真係心淡…
唯有係咁搵人參加，終於唔計幹事都有8個左右，
同上年真係差得太遠…真係唔知乜解究…
下午去左茶樓飲茶…四年冇試過lunch time去那裡，
都還幾抵，幾好食:D::::

11月8日

今日冇乜特別忙的事，太好了，
放左學處理左D電腦學會會刊的事就回家了，
返到屋企都冇乜特別野發生。

11月9日

lunch同阿sir食飯，畀阿sir請我地食，total二百幾蚊，
真係唔多好意思…哈哈
放左學後去遠足組的meeting，都幾好玩，仲有獎品，
而且可以"ar"時間，唔使等晚上舊生會會員大會等到悶，
一舉三得，唔錯…
轉眼就去到五點幾，天開始黑，落到去發覺都有幾多人
返左黎，今次總算開得成啦…
但開得成都有好多問題出現，電腦又上唔到網，
projector又壞壞地，再加上答問環節不斷受到追問，
導致發生了一些不愉快事件…
今次令我地發現舊生會真係唔係咁易搞的，
大會完左後幾個往M記檢討左一段時間先回家，
返到屋企後已經近十一點了…

11月10日

星期一學校有越野賽，所以一早去左城門水塘
睇下個環境同埋試跑，不過就冇乜力，差唔多全程都係行…
之後過左海去左某網友間學校的開放日參觀，
跟住就返左屋企做下D野，
晚上又出去聽eason演唱會，今次坐得近少少，
而且都幾精彩，做到11點幾先完，
返到屋企已經成1點，眼訓都不得了，
拿拿聲搞掂D野就訓左了…

11月12日

一早去城門水塘參加學校的越野賽，
今日天氣都算唔錯，但情況就混亂左D，
結果遲左幾個字先開始。因為我前日先去過視察環境，
所以大概都知道應該點跑，結果一路跑，
跑到前後有幾多人都唔知，去到最尾一條長命斜時，
見到前面有個行緊上去，後面就完全冇人，
跟住突然聽到話「有人過終點喇…」
先知原來前面見到o個個已經係第一，
換言之即係我係第二…真係發夢都估唔到…
我最初諗住半個鐘跑完已經好叻了，
結果只用到16分幾，真係神奇…
下午食完飯就都好[支力]，就返屋企繼續做野了。

11月13日

早上去電腦學會的參觀999報案中心活動，
都比我想像之中有趣，原來成個港島得7個人負責接聽…
完左之後就回家食飯，之前就懶懶閒咁過埋個下晝同夜晚，
但總算做完呢個假期要做o既野…
不過臨訓前突然收到大堆工作…

11月14日

又冇帶功課…為免被記名唯有放學之後即刻趕番屋企[才羅]…
結果4:10返到學校…但miss已經走左了…希望冇事啦…
之後去左hkspeed的新office參觀，有海景，有sofa，
已經都算幾大下，天台仲可以裝AWS，真係幾正~
返到屋企已經開飯了…
晚上搞會刊D野搞到成2點…

11月15日

嘩…今日好凍…換冬季了…
在學校好空閒咁，但一返到屋企就忙到成隻野咁，
差唔多未離開過部電腦咁…今晚做到近1點收工，
成晚主要都係幫阿爸整野

11月16日

今日唔知因咩事咁失魂…出門口書包都唔記得拎，
落到樓下先知咩事，又要上返去…爭D遲到
返到學校又發覺唔記得帶個file，搞到有幾樣野都一齊冇帶…
放學後吽到四點然後約埋舊生會幹事去搵店舖優惠搵到五點幾，
之後返屋企執番班網D相~
臨訓先醒起唔記得印野，搞到成點都未訓得…

11月17日

今朝係一生人之中第一次賣旗…不過遇到唔少阻滯…
8點到了綠楊就開始賣，點知賣唔夠兩支就畀實Q趕走左…
結果走落地鐵站賣，點知那裡已經勁多人賣緊，
大部分行人都已經買左旗，所以初期都賣得幾慢…
之前行下行下行到去大河道…那裡較多人未買旗…
不過最後都只係裝到約1/5滿，
但都居然都拎到張「成績優良獎狀」…
賣左四左鐘後發現隻手抽住成二百個銀仔後勁[支力]，
就用左張賣旗送的KFC券食左豐富的午餐，
之後就返屋企搞會刊D野。

晚上同網友們去舊咖啡灣BBQ，
(等人途中被教會的人捉住傾左10分鐘…唔係鬼佬o個D)
今次都幾好玩，雖然數落已經係今年第5次BBQ…
難得天晴，原本我諗住留落去睇下流星雨，
不過有網友住得遠，加上自己都好眼訓，
最後都係早D返屋企算喇…不過返到已經係12點…

11月18日

經過成個禮拜嚴重缺乏睡眠後，今朝一訓就訓到11點，
午飯後就出去葵芳開會，一開就開到六點，
晚上返屋企樓下打邊爐，之後返屋企繼續搞電腦野…
夜晚睇網頁同電視見到今年的流星雨好似幾精彩，
而且今年難得天晴同冇月光，都心郁郁想去睇…
不過都冇人有興趣同我去睇…而且自己都好眼訓…

11月19日

始終唔甘心放棄呢個難得一見o既流星雨，
於是一直在電腦旁等到點幾鐘，然後走到窗前守候…
等左成個字，突然眼前一道白光閃過，
終於見到第一粒流星喇！跟住陸續見到幾粒流星，
然後父母又醒左，最後三個一齊落左樓下睇，
結果在十五分鐘內見到三十幾粒流星，真係非常壯觀~
結果成三點先訓…條頸好痛…

11月30日

今日係電腦學會o既第一次百萬富翁，
三堂空堂同小息lunch都係籌備呢樣野，
雖然現場觀眾人數唔算多，但氣氛都唔錯，
一開始情況就有D混亂，但總算handle到，
小問題係太早完場(原本expect 5點結果4點搞掂)
之後釘埋o個百幾份會刊搞到成五點…
希望下個禮拜五搞第二次百萬時可以搞得更好吧…

20016789101112月
2002123456789101112月
2003123456789101112月
2004123456789101112月
2005123456789101112月
2006123456789101112月
2007123456789101112月