10月14日 |
| 今日國慶…訓到12.幾先起身…好爽呀~ 響宿hea左一輪之後就出左沙田食tea，之後返屋企啦~ 夜晚出左去睇煙花，今次出左九龍站果邊睇，都ok呀~ 拎埋收音機黎聽個配樂，原來加埋音樂個效果幾正~ 同埋發現到原來對面海大廈d燈光效果都係配合d音樂~ 睇完之後返荃灣打邊爐，之後歸家啦~ |
| 朝早去銀行入數，係訂soc紙d錢… 已經拖左個幾禮拜，但無奈要搵番渣打都真係幾困難… 返屋企食飯，之後hea一陣諗住返中大睇人打超聯(踢波)， 但突然收到個電話話取消左，要即刻通知番人， 之後了解番件事，唉…真係唔好彩…希望以後唔再發生啦… 於是乎下晝淨番o既時間就響屋企做下功課咁啦… 夜晚就出左尖咀輔聚，大O之後都冇試過啦~ 唔知點解左兜右兜，先兜左去一間韓燒… 今日胃口幾好，食到飽飽滯滯添… 聽日係我老婆生日，所以大家今晚預先同佢慶祝~ 我身為佢老公，都無可奈何咁比人玩啦… 食完蛋糕、影完大合照，就移去海旁， 睇番d ocamp閉幕果陣大家寫o既心底話啦~ 雖然個個寫o既都差唔多，但係都幾值得一睇o既~ 睇完都已經差唔多1點…飛的去旺角轉小巴返屋企啦~ |
| 今日大O組聚唱K，約埋幾個仔女出黎幫阿媽慶祝生日~ 我負責去買卡，買完去到旺角遲到啦… 跟住d女去買禮物，我約定d仔整住張卡先， 點知大家都遲到，要壽星女呆等3個字… 今次組聚雖然都唔齊人，但氣氛都唔錯啦~ 連續兩日有蛋糕食，不過今日果件明顯頹好多… 下次組聚…係時候去打邊爐/燒野食啦~ 希望之後會齊人d啦~~ 夜晚返荃灣食元氣，食飽就返中大啦~ re祺哥: 哈~係咪因為你個大組長gap… |
| 今日有兩份功課dead，食完晏都大家都趕住做埋佢， 個lab突然之間多左勁多自己友，好熱鬧呀~ 上完之後個悶堂就冇堂啦，突然之間冇野做， 功課又dead埋，竟然有d不知所措，唔知點算好… 結果返左宿訓左陣晏覺，真係極難得咁soft~ 之後落lab執下linux功課手尾，然後等埋班人一齊食飯~ 食完去百佳入貨，見到大大盒雪糕買一送一，我地梗係唔會錯過啦~ 雖然呢排天氣涼左d，但都唔理得咁多啦~ 五個莊員就咁捧住兩盒雪糕上宿慢慢歎，仲要開埋冷氣黎食，爽呀~ 食完返宿都只係10.幾，今晚真係好優閒呀~~ |
| 今日又係大通日…朝早上兩堂lecture下晝又上兩堂tuto… 跟住補習，隔左成個禮拜冇補，但今次都補得好hea… 夜晚去又一城食飯，開左味千，即刻整番碗拉麵，正~ 之後返中大搞dept o day傾莊，CS同CE d人夾番post… 估唔到d freshmen搞到今次個會咁鬼認真…搞到成11點先走得… re豬: 咩喎… |
| 估唔到linux份功課仲有手尾要做，食完晏拿拿聲去搞， 做到要走兩堂先做得完，希望唔會再發現問題啦… 夜晚開首長會，傾oday野，不過都好似冇講過咩實際野… 之後即刻趕上NA can，shaw班莊員約左堆freshmen食飯，我都去湊下熱鬧~ 跟住返到宿一坐低就比個仔叫左出去捧阿媽場…佢有份danso跳街頭舞~ 唔知點解…環顧四周都有識o既人，但我竟然感到寂寞? 睇完返宿，之後同個莊員去宿visit，探下d UC o既freshmen… 其實計埋都係得6個，但唔知點解去邊個度都吹勁耐水， 搞到成12點先返宿，仲以為今晚勁渣攤添… 今晚喊得好犀利，所有不快都發洩哂出黎… 希望聽日會係一個新o既開始… |
| 今朝堂lecture取消左，一訓就訓到成12點~ 上左堂tuto就去飲茶，大O組聚~仲要係上年果組~ 今次得一個組mate黎唔到咋~算係好齊人啦~都幾難得呀~ 唔知今年大O果組可以keep到幾耐呢~ 食完飯就去dem lab，之後上lab印poster，都搞左我一大輪… 跟住冇野做就返宿，估唔到返到去又喊過，希望今次真係最後一次啦… 同埋順便要響度多謝所有今日關心過我o既朋友~ 夜晚係系會傾莊，估唔到咁快就一年…上左莊都好似唔係好耐… 記得上年第一次就傾d detail野，搞到勁悶，結果今年想輕鬆d…咁就吹下水先~ 但係冇莊員幫手，結果諗唔到野講，搞到gap左添…希望之後唔會啦… 不過今次黎傾莊o既人都唔少，睇好下莊呀~ 仲有令人意外o既竟然係有人已經想做P，勁呀~~ 傾完莊就去食飯，次次呢個時候都要煩食乜好… 由出去食定唔出去食、火炭定沙田、到去到沙田食邊間都要傾一餐， 而且講黎講去都係d貴野，結果一直都講唔掂數… 最後去左間葡國餐廳，d野食碟碟都好細，不過又離奇咁食得飽~ 食飽之後去左食M記雪糕，之後就返宿啦~ 不過我響宿坐唔夠幾個字又再出去食宵，今晚都真係幾多野食~ re esther: 希望啦~ re豬: 你都笑番啦~ |
| 之前大組長叫左我地組聚去睇院慶開幕， 我見上年都有份搞個開幕，就拉大隊去捧下場啦~ 點知去到發覺場面好冷清，仲要又熱又肚餓， 興致即刻減半…不過最尾都睇埋個開幕先走… 食完飯去lab幫手守soc房，順便做下自己野~ 做SQL份功課，之前聲稱呢科我可以屈機，因為一直寫開， 但點知今日諗到頭都爆都諗唔到d SQL點寫， 結果成個下晝都諗份功課點做，做到夜晚先做完… 夜晚約左人食飯，見肚餓就食左件三文治，返宿hea陣就出沙田食啦~ 不過件三文治真係威力驚人，個晚餐食左一半都已經食唔落… 食完行左陣就返宿啦…聽朝要補習呀~ |
| 今朝一早要起身去補習…禮拜六要早起都幾辛苦… 補完例牌去又一城食飯，去到food court突然有個好耐冇見o既中同打黎， 原來佢都係自己一個響果度食緊飯，於是就一齊坐啦~ 個中同o岩o岩之前響city同高禮澤同李靜握手影相拎簽名， 所以一直保持亢奮狀態，我除左戥佢高興之外就只有滴汗… 食完飯就返中大…晏晝又有超聯，梗係要捧場啦~ 未開波就返宿上陣網先，終於搞掂番呢個網同班網啦，yeah~~~ 跟住就去百佳買水捧落嶺南場，都唔算好辛苦o者… 不過搭車途中發覺唔見左張單…搵搵下發覺同d仔女o既貼紙相都冇埋，灰… 場波一開始都勢均力敵，我地都差唔多有入球架啦… 可惜最後都係輸左2:0，不過唔緊要啦，至少今日都有得踢… 之後陪佢地吹水吹到5點先返宿，做下功課之後返屋企啦~ |
| 今日好頹廢呀…訓足12個鐘…勁爽呀~ 起身之後就去左龍鼓灘燒野食，過左個優閒o既下午~ 跟住就返中大啦，今晚都係做功課… |
| 又一個新o既星期開始啦~今個禮拜將會幾忙下，加油啦~ 第一堂遲左幾分鐘落去，只見大家神色凝重，professor又唔教書， 吽左陣先知原來大家做緊 張worksheet…今朝成堂都係做呢件野… 今日有新soc紙出爐啦~個design都OK啦~ 搬上soc房之後諗住拎d去上堂順便賣比同學， 點知一出lab就撞到班freshmen，d莊員就好似打劫咁， 轉眼間d soc紙就變哂現金…搞完一輪先去番上堂， 相比起班yr1，yr2 D同學真係吝嗇好多… 今日其餘唔係上堂o既時間都係做功課，又有5份等住做啦… 夜晚抽空返左荃灣食飯，今日阿公85歲大壽~ 到左呢個年紀都仲行得走得食得訓得，都真係幾難得啦~ 食完餐飯都已經10點幾，都考慮返唔返宿好… 不過又要做功課，聽朝又早堂，結果都係返去啦~ |
| 未訓醒就有人打黎…又係細O OC約飲茶啦… 上完logic就去茶樓，去到發覺冇乜人，跟住個伙記話個爐壞左， 整唔到野食，結果被迫去第度食飯… 今次食飯探討左好多好嚴肅o既話題…不過探討得好好笑~ 食完飯去百佳買豆腐花食~之後hea左陣書店就上番UC上堂啦~ 之後補習…今次真係十個頹廢，個o靚仔竟然乜都冇帶返屋企， 我又完全冇諗過可以做d乜，結果呢兩個鐘差唔多係hea哂咁滯… 跟住食完飯就返中大做lab啦，之前因為爭一個步驟做唔到， 結果差唔多成堆code要寫過咁滯，真係激死… |
| 話說噚晚做完lab臨走之時唔小心PK， 撞到滕頭勁痛，樓梯都行唔到咁滯，今朝情況仍然係咁… 朝早仲要去洗衫，好彩都仲洗到o既…但搞到堂都走埋… 食完飯落左CC間中醫院睇跌打，原來都要收百幾… 去到首先比個醫師摸下對腳，跟住入左間房敷冰消腫… 之後竟然同我做針灸，拮左幾支針入我對腳，痛呀… 成個過程搞左成個半鐘，好彩有人全程陪我~ 最後同我敷左劑藥，兩隻腳都包住哂，好誇張… 估唔到跌一跌，又破財，仲要休養兩個禮拜，救命… 之後都要繼續上堂，之前走得太多，都跟唔到啦… 一路要問人借notes黎睇番先跟得番d… 今晚又傾莊啦，講番我地搞過d活動， 其實我都知就咁講好鬼悶，但唔係咁講我真係諗唔到可以點… 不過今次點都應該好過上次o既，起碼我有準備過嘛~ 傾完就拉大隊去中菜廳食飯，成十幾味[食送]，正呀~ 之後上UC睇下大笪地，原本都唔諗住去， 不過見有時間就去湊下熱鬧，橫掂又係拉大隊去… 今年院慶硬係覺得比上年遜色左d，大笪地都係爭左d… 行完一輪同人落左女工食宵，之後返宿啦~今晚要好好休養~ |
| 朝早特登早左起身沖涼…都幾日冇沖過涼啦… 敷左劑藥成晚，都好似好左唔少啦~係爭行樓梯都係辛苦d… 晏晝去左同dept傾搬soc房d野，結果都係禮拜六要迫遷… 今次都幾無奈…無啦啦搵埋工人黎搬d野，我地仲可以講d乜… 其實搬soc房有好有唔好，希望唔好o既野盡量避免到啦… 之後上UC gym，系會搞三人籃球賽~ 今次都幾熱鬧呀，每個書院都派到兩隊出賽， 個氣氛都算唔錯啦，都有唔少人黎，算係幾成功o既活動~ 基本上系會o既活動都搞得八八九九啦， 寄望下莊令CE d人玩得更埋啦~ 今晚去shawlane，一去到淨係排d免費野食， 但又排勁耐，結果都食得好少野…好肚餓呀… 之後就霸定位睇show，今次都幾多嘉賓架~ 不過全場氣氛最正o既…竟然係陳以誠醫生！勁high呀~ 成班大學生一齊跟住陳醫生唱「登革熱」，真係笑爆咀~ 完左之後大家都感到肚餓，於是上左個莊員間房食杯麵， 食完仲開始玩起電腦果隻大富翁2，呢個經典遊戲係我n年之前勁玩… 五個人一齊玩，幾正呀~最後順利成為大贏家~yeah~ 不過都幾馬拉松式…玩到4.幾先完… |
| 今日係UC院慶o既大日子，即係上月會o既日子啦… 好懷念以前響sir run run上書通o既日子…今日可以懷緬下啦~ 雖然黎左個天文台台長，不過我噚晚實在訓得太少， 所以都係由頭訓到落尾… 之後同仔女食飯，食完飯仲有雪糕食，正~ 晏晝要dem linux件功課，但臨dem果下先發覺炒哂， 雖然即時都已經改番o岩，但tutor會叫你用番舊版本， 如果用舊版本相信會扣好多分，所以要想盡辦法避免… 結果多得高人指點，再分析埋各tutor評分標準， 終於順利矇騙tutor成功dem左份功課~yeah~ 不過成個過程都好緊張，一路dem一路幾驚穿崩… 搞掂d野就去執soc房，準備聽日搬遷… 間房一大執就會發現勁多垃圾，但又竟然執執下執到寶… 雖然有幾個莊員一齊執，但係間房實在太混亂， 直到我夠鐘去UC千人宴都未執得好… 今次千人宴係同大O坐，雖然自己組都係得兩個女去， 但係總比上次開學飯好架啦…唉~~ 今年d野食總算係好過上年啦，叫做食得飽o既都~ 至於個show，魔術同歌手表演都幾精彩，其他就麻麻啦… 估唔到boyz同吳浩康大家都比到咁多反應，犀利呀… 不過如果請到原定o既方力申+stephy，相信大家會激動好多… 呢個千人宴…節目都還可以，但安排就認真麻麻…令人失望呀… 睇完千人宴仲要做功課，去左人地宿做， 做完仲要去lab搞埋執soc房o既手尾，返到宿都2.半啦… 聽朝又要一早起身補習，真係命苦呀… |
| 今朝8點幾就要起身出去補習，勁眼訓呀… 上到校巴見到隔離組組媽，原來佢同我一樣咁辛苦…佢仲要唱完通宵K… 今次補習終於不再頹廢啦…仲要唔夠時間… 補完就返屋企食飯啦~之後怒訓…訓到食晚飯先起身，勁爽呀~ 夜晚睇下notes囉，幾勤力呀~~ |
| 禮拜日的生活…又係十個頹廢… 訓左10個鐘左右…成個下午都冇建樹… 夜晚去左和民食，都幾耐冇食過啦~有新野出喎~ 返中大研究功課，乜野都研究唔到出黎… |
| 今日係功課日(基本上未來o既日子都會係)， 朝早上堂一路聽書一路抄功課(完全唔識做)， 之後class visit…食完晏就去lab印功課(之前又係唔識做)， 跟住上堂又改番d功課黎交，都幾悶下… 今晚開修章委員會，個會form左成年…今次終於係第一次會啦… 同幾個yr3傾番會章有咩要改，希望順利改好個會章，唔好再拖啦… 開完落lab睇下有冇人做緊project， 果然有大堆人響度，我就梗係去湊下熱鬧啦~ 雖然份野tun到下個禮拜先dem，不過都要開始住先啦… 做到差唔多兩點先做到少少，睇黎都有排搞… 跟住去女工食少少野就返宿啦… |
| 今朝係CE拍照日，所以要走logic，多左d時間出黎可以洗埋衫~ 拍照日會影哂3個year大合照，所以要就哂全部人都冇乜可能… 結果有唔少yr1要上堂，d yr2就嫌太早(11.半…)，yr3預左少人， 最後都係影得唔多人…但都冇辦法… 唯有yr1,2有冇可能各自約多日再影過… 晏晝去左搵dept個秘書，講番新soc房想要d乜新設施… 點知佢勁多野同我講，成個dept o既事務都一次過講哂我知… 估唔到咁都用左我半個鐘時間… 之後再同個yr1傾左陣野就出去補習啦… 補完返宿hea陣就落lab繼續煲份project， 今次由9點幾煲到3點幾，都幾恐怖… 叫做做到大半架啦，但係好多限制，結果搞好耐都未得… |
| 5.幾先訓，順理成章走左最早果堂，其實走唔走都應該差唔多~ 起身諗住去上tuto，去到lift口先知唔使上，但都順便去做陣功課啦… 落到lab先知原來份功課delay左，不過竟然都落到黎就照做埋佢啦… 之後上果幾堂時間都係做自己野，真係比聽書精神好多！ 今晚係最後一次傾莊啦，佢地連post都諗定啦，仲有16個人上莊，都算係好事呀… 今次主要都係佢地傾野，我就間唔中remind番佢地一d野咁啦… 雖然當初對班freshmen充滿信心，不過都有值得擔心o既地方… 希望佢地真係有心搞好個soc，唔係為上莊而上莊啦… 傾完莊叫左宵響新soc房食，其實搬左soc房都應該有唔少好處o既~呵~ 食完順便去lab做陣project，總算有d進展啦，但距離完成都仲爭d呀… 之後返宿溫midterm啦…成半年冇考過試，真係唔多習慣… 身邊d同學好似都好勤力，我都要加油啦~~ |
| 朝早果堂又冇上…不過訓番夠d都係件好事黎o既… 結果今日都淨係上左兩堂tuto… 之後仲有4個鐘時間先到midterm，難得晏晝有咁多時間… 首先去左lab做左陣project，但毫無進展，決定返宿… 終於有時間做d濕碎得黎，但平時完全冇時間做o既野啦，好野~ 好順利就hea左呢幾個鐘，當然都有溫熟個midterm啦~ 今次個midterm竟然有d final o既感覺…搞到我有d緊張添… 不過呢科係database，之前不嬲做開呢範野，所以都算易入手~ 75分鐘o既卷，半個鐘搞掂啦~之後check完卷訓到釣哂魚… year2第一科midterm總算順利完成，不過下個禮拜仲有兩個，之後仲有… 考完midterm就忙裡偷閒走左出旺角唱K，好耐冇唱過啦，yeah~ 不過出到去都已經9點，K buffet得番一個鐘食，於是一去到都係怒食野… 另外聽日重陽，所以今晚唱K勁唔抵，貴得黎又唱得2個半鐘… 之後就返中大啦，未來幾日假期相信都要做project…但我好想去玩呀… -- 今日想講下班CE同學… 經過一年洗禮之後，班裡面o既圈子都成哂形啦… 中學果陣成班好明顯分左三個圈子，估唔到入到大學都係咁… 記得中學果陣我希望同三group人都熟得哂，但結果個個圈子都唔係真係好熟… 到左而家…我又開始諗到呢個問題… 估唔到書院o既影響力原來咁大，細心觀察下就會發覺， 原來差唔多一個書院d人就會組成一個圈子…(UC除外-_-) 而家我應該係入左shaw果班人裡面…響裡面都算幾開心o既~ 我諗都係同呢個圈子d人再熟d先算啦，其他野遲d先諗~ 不過呢堆野都係得閒無聊時先會諗架o者，其實呢d野順其自然就得啦~ 如果同呢班CE佬…可以同班中同一樣玩得咁開心，你話幾好~ |
| 今日係重陽節，又係一個功課日… 落本部食完lab就開始搞linux件功課…不過用左幾個鐘都只係試左佢d example… 跟住落lab試另一份project，都算做得九九十十啦… 做完呢兩件野都搞到成8點，仲要公眾假期dcanteen閂哂門… 結果兩個人去左百佳買野再上宿煮黎食，都食得幾飽~ 返到宿又搞另一份功課… |
| 今日終於響宿舍煮左第一個麵啦… 食完麵就出旺角買書，亦都係今個sem第一本買o既書… 鬼咩…禮拜一考果科midterm勁唔知做乜…唔買本書睇下點得… 順便幫部mp3機買番隻新耳筒就返中大啦~ 返宿放低本書就即刻拎埋d水落嶺南場，今日又踢超聯啦… 一去到就忙住搵班yr1，全部人都唔蒲頭…結果都係搵唔到… 今次我地打得比上次好呀~最後0:0和氣收場… 打完超聯大家仲黎多場友誼賽，今次我都落埋場， 不過勁耐冇做過運動，好快就跑到氣來氣喘啦… 最後個場淨番我地幾個CE人繼續玩…玩到6.幾先走… 去美心食完飯就返宿…今晚努力溫書啦~ 今個禮拜唔返屋企咯…阿媽同細佬都去左旅行…留響宿溫書好過… |
| 今日又係一個溫書日，成日都呆響宿舍溫聽日份midterm… 聽日果科真係…上堂又get唔到佢講乜，睇notes又睇唔到，都真係幾驚… 成日吽響宿舍o既日子真係好耐冇試過啦，真係悶到抽筋…救命… 係夜晚出左canteen食飯同入百佳入貨…如果唔係吽死左… |
| 今日係我認為係最難一科o既midterm，上堂果陣都要怒溫書… 之後陪埋人去搵tutor問野，不過問完都唔係明多好多野… 結果份卷比我想像中淺o既…當然都有幾題唔識， 不過都算係咁啦~總算鬆一口氣… 之後堂tuto要搬黎搬去，都幾麻煩~ 上完就落lab做埋份project佢，今晚都幾好玩~ 食完飯又去百佳買雪糕落soc房食，又係買一送一，正~ 食完繼續去lab清埋份project，之後就趕住返宿， 因為有層聚，仲有免費pizza食~ 老實講層聚我都係第一次去(上年住湯宿都冇去過)， 今次因為有pizza效應所以都幾多人蒲頭… 不過講真呢層我除左本身識o既人之外，真係冇乜人係之後識番黎… 今次雖然有自介環節，但唔知會有幾多幫助呢… 呀…我份人硬係好似幾難識到朋友…點解咁架呢… 奇又奇在我又好多有幾多朋友呀~唔知呢~ |
| 今日考logic midterm，都唔知份卷考幾耐， 不過做左3,4個字做完，坐多兩個字就走人啦~ 之後返宿hea下，同埋開始寫份lab report啦… 上完堂去lab怒印notes，期間去食tea，久違o既雪花肥牛麵，正~ 出去補完習就返lab開始做linux第二份功課， 做左5個鐘左右，都算有d成績o既…都好似唔覺做左咁耐~ 之後返宿繼續寫lab report… |
| 今日又係好一個功課日…唔係上堂o既時間幾乎都用左黎做功課… 晏晝d空堂用哂黎做份lab report…夜晚就做linux份功課… 除左上堂同功課，今日o既節目仲有系會開會… 雖然開得幾頹下，但呢排咁忙都仲開得成個會，算係咁架喇… 今晚又做到點半鐘先返宿…有人生日喎，返宿期間con到手都軟… |
| 雖然訓得6粒鐘，成個人都好累，但難得上堂竟然冇訓覺~ 今日dead份功課，但有幾題唔識，而且係好多人都唔識， 搞到用左好多時間先搞掂份功課…晏晝其餘時間都係做另一份功課… 傍晚上左NA gym睇e-league籃球，我都係第一次響中大睇人打籃球… 我地CE得勁少人黎睇波，真係冇乜氣氛可言… 最後我地都輸左，下場應該可以打得好d o既… 之後去食晚飯，做左件好錯o既錯事…唉…唔好提… 食完飯繼續去lab無間道做project，今次做到4點幾先返宿… 雖然下個禮拜五先dead，但而家做左一半都未夠… 真正體會到yr2 o既地獄式功課到底係點啦… |
| 訓到11.幾先起身，跟住就趕住食完飯去做project，組聚都去唔到了… 做做下又要dem lab，好彩唔係用左好多時間~ 做到4.幾又要走去補習啦，結果今日都唔係做左好多野… 補完出旺角買書，順便逛一逛…之後返沙田食飯，今晚返宿，聽日open day~ |
| 中大開放日又黎啦~~上年做OC，今年都總算係個老鬼啦~ 朝早起極身都起唔到，hea到10點先起…跟住就落賤build啦~ 雖然都叫做報左做EC，不過都冇人assign post比我， 結果就行行企企，睇下周圍d人做成點~ 不過周圍都唔係好見熟果班CE人…唔知去哂邊… 今年唔知點解唔係好多人參觀咁，lab tour都幾冷清下… 跟住有網友黎左，咪陪佢一齊行個lab tour， 個tour果然年年如是，再係咁又點會吸引到人黎讀… 行完tour就走先啦，晏晝仲有野做… 夜晚返荃灣同班親友食飯…為11月壽星仔慶祝~ 哈~我都收到好多利是…多謝哂…要計劃下筆錢點用先~ 呢餐飯都好正，d上海菜式都幾o岩口味~ 食完飯就返屋企怒做功課啦… |
| 今日係我最後一日做teenager~ 捱左成個禮拜，終於有一日可以訓足8小時…都好滿足架喇… 成日都要溫書，聽日midterm都未溫過，不過進展緩慢… 期間出左去飛髮，終於有時間去剪下啦~ 夜晚出尖沙咀食buffet預祝生日，好飽呀~ 之後返宿舍…試下個尖東站先…好遠呀…返到去就努力溫書啦~ 19歲過去，又係時間回顧一下…from去年日記： 「今年有咩生日願望呢? 似乎都冇乜時間同心機諗… 我諗而家係希望搞好兩個莊囉… 同埋過一個有意義同充實o既year 1生活啦~」 兩個莊係指系會同校園電台…後者結果都冇上啦~ 系會搞得好唔好，我覺得都係麻麻地…但總算盡過力啦… 至於year 1 o既生活，都算幾滿意o既，不過玩o既野其實唔算多… 呢一年我經歷左好多好多我以前從來未經歷過o既野… 有d令我好開心，亦都有唔少令我好傷心… 希望所有呢d經歷都會令我有所得著啦…好老土，哈~ 不過講真…呢一年好多野我都覺得自己做得唔夠好， 大個仔希望可以再做好d啦~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |