| 國慶+中秋，不過都冇乜特別的慶祝活動，
訓到12點先起身，跟住成日都冇乜野做咁， 夜晚就去天台BBQ。 |
| 成日都在家…冇乜事發生… |
| 嘩!未試過做班長忙成咁…
成日又收簿又派簿拎報紙派書收回條… 成個小息同lunch time都被佔用哂… |
| 唉…部server down左成個禮拜…終於整返好…
噚日做完掌手壓，今日對手痛到不得了，舉起都覺得痛… 放左學之後冇會開，去左研究Pure Maths， 晚上都係搞下學會、舊生會D野… |
| 小息同lunch time都係極忙，
放學後又要搞電腦學會個board， 日日唔到5點都唔走得， 放左學返黎又要搞呢樣o個樣， 第日測驗都冇乜時間溫… |
| 一朝早返到學校就話要宣佈，又冇作稿，要我到時爆肚，
真係刺激，好彩都算講得ok… 小息又搵呢個miss o個個阿sir，搞到想溫下書都唔得， 測驗o個陣又無啦啦有隻大蜜蜂響我眼前飛過， 搞到我分哂心。而且時間唔多夠， 今次如果合格已經心滿意足了… 放學後係電腦學會o既會員大會，在台上講野緊張左D， 搞到唔記得D稿，要拎貓紙睇…但個會都算順利 之後又要執手尾，仲要開另一個會，都係5點先走得。 返到屋企又要整舊生會D野，搞左幾粒鐘， 終於12點幾搞掂哂今日的工作… |
| 午飯後返學校開舊生會會議，成個晏晝整D宣傳單張，
搞到6點幾先開完會，晚上依然係寫下網頁咁。 |
| 用左成日搞舊生會個網…都算搞得7788咁 |
| 極忙… |
| 仍然極忙…真係連寫日記的時間都冇…抱歉 |
| 今日總算有時間寫日記了…
成朝都要處理舊生會D信， 我諗我個post都要改名做「"痴"信科技」… 下午去郵局寄o個800幾封信，初初以為可以cup印唔使貼郵票， 點知原來係唔可以，結果要狂"痴"郵票， 搞到郵局閂哂門都未搞掂咁多張郵票， 結果用左成個鐘先完成哂，要從後門離開… |
| 拎住9條鎖匙返學校，其中5條係舊生會的…
o個幾個locker又污糟又亂，真係勁得人驚… 今日仲要繼續做"痴"信，不過得四十幾封信o者， 但又要自己拎去郵局寄，又搞到郵局閂門先走得… |
| 放左學有電腦學會第一個活動…HTML班，
但我就去左hall參加行山學會的集會… 完左之後趕返上電腦室幫手，尚算教得可以吧， 不過時間就唔多夠咁，下個禮拜又搞多一班， 希望大家搞得更好啦 |
| 今日在百忙間抽空同屋企人去海洋公園玩，
係兩個月來的第二次，今次可以玩到夜晚， 又玩哂D機動遊戲，[支力]到不得了， 回程時都訓到隻豬咁… |
| 成日都在屋企做功課，同睇番D唔明o既physics，
都算係頗悶的一日… |
| 放左學同miss開會，諗住開半個鐘就開完，
點知一開就開左個幾鐘，返到屋企又係6點… 晚上開始整班網… |
| 放左學成個form6去左中大睇套戲黎學英文，
成個hall成千幾個學生，都幾犀利下， 套戲都算幾好睇啦…睇完返到屋企都成7點了 |
| 今日便服日，我當然有參加啦，原本諗住著得yeah D，
不過最後都係決定普普通通算喇… 放左學出奇都冇會要開，4點幾就走了，可算破左歷來紀錄… |
| 重陽節屋企人去左城門水塘行山，
但我仲有幾個網頁積住未做，所以唯有留在家做埋D工作， 可惜部機hang到七彩，成日都搞唔掂D野… |
| 一早起身就check email，然後print明天要用的場刊，
點知部printer慢到不得了，13版紙print左成個鐘都未print完， 印到7:35就唯有唔印住，飛的返學校… 之後小息再衝去compu room印埋淨低o個D， 然後即刻衝落去拎畀阿sir印先趕得切…因為學校要印100份… |
| 今日係舊生會o既會員大會，午飯後就番到學校準備一切，
插制、駁機、試咪、搬檯…搞掂哂所有野之後就等…等… 結果等左成個鐘都得o個小貓三四隻入左黎… 最後個會因為人數太少開唔成！真係非常失敗… 唯有檢討今次點解咁少人黎，然後搵日再開過… 原來寄信D人真係唔會理，下次要用電話攻勢先得… |
| 星期日…留在屋企溫下書、抖下咁…
平靜的一日 |
| 就黎十一月…終於有點涼意了…
第一堂就pure測驗，但好似唔係好掂咁，今次弊啦… 中文堂時抽咭準備下堂做present，我瞇咪眼一抽！ 哈哈！題目係「父母以為用電腦係玩物喪志的，試向他們 作出辯解」，呢條題目簡直o岩哂我！ 放學後去左象山村幫社工搞電腦，試下兩部機用唔用得， 點知兩部都舊到不得了，試左2左鐘最後結果係兩部都唔掂， 結果成6點先走，我一個人在漸黑的天色，陣陣涼風下， 由象山村慢慢行返落荃灣，個feel好爽~~ |
| 今日係咁搵人入舊生會，結果搵到幾個miss入去，
成個小息同lunch time就掛住收form… 中文堂做present…一黎o個下就好緊張， 講o個陣行黎行去，不過整體黎講都算ok吧… 放學後在荃灣四圍兜到6點幾，就係為左將D野交畀主席… |
| 今日係十月最後一日，亦都係我16歲最後一日，
更加係我做班長最後一日，真係一個非常特別的日子。 當我最後一次嗌stand up時，都有D唔捨得呢… 不過甩左一職，我諗會得閒D卦， 希望黎緊新一年事事順利咁啦~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |