| 2006年啦~happy new year~ 今日相信係咁多年元旦裡面最早起身o既一次… 因為要去補習…補足兩個半鐘，好累呀… 之後落又一城食lunch兼打書釘，睇書睇到頭暈… 跟住返男企睇陣電視上陣網訓陣覺，好優閒呀~ |
| 今朝都係一早去補習，個細路聽日考中文， 溫返d九年前學過o既課文，都仲有d印象喎，哈~ 之後去左行陣都返屋企，未來兩日唔使補習，抖下先… |
| 今日同聽日都唔使補習，休息兩天。 終於可以訓晏d起身啦，今日都冇咩世藝， 夜晚悶到走去執櫃桶，整齊左少少啦… |
| 今日都冇咩野做，出左書店行下， 因為之前中學拎左百幾蚊書券做獎品，但一直都冇機會用， 呢排得閒就出去睇下有咩書想買啦… 點知行左個幾鐘都搵唔到合心水o既水， 結果都係拎住百幾蚊書券返屋企… |
| 今日出左去補習，用左兩個半鐘黎教一科我未學過o既野， 叫做「圖像傳意」，用黎取代木工，都好o既…時代變遷… 補完夜晚去食飯，之前用左成個鐘響pageone度hea… 今晚有兩餐飯，第一餐係同學送別會， 有兩個同學下個sem去exchange，去左沙角打邊爐~ 估唔到地幾乎全部莊員黎齊，好難得咁齊人喔~ 可惜我食左一陣就要早走去下一場… 等左幾個字先有車，趕返去荃灣去阿姨度食羊扒~ 呢一餐都約左好耐，所以點都要趕黎食… 嘩，估唔到仲有頭盤甜品，真係以為自己去左酒店… 食完兩餐真係勁飽，坐左好耐睇埋電視先走~ 真係要多謝今晚熱情招待~可惜係最尾有不愉快事件… |
| 今朝一早就有特備節目－reg月會~ 好彩比人提一提，如果唔係都唔知會reg到d乜… 天寒地凍起左身，本來諗住繼續去訓， 點知一個電話打黎就話要去補習，想訓都唔得… 唯有補完返屋企，食飯前後都怒訓，爽呀~ |
| 今日阿婆唔知點解騰黎騰去整野食，唔知當今日食團年飯定點， 整左餐好豐富o既晚餐，但5.幾就開飯… 結果激死成家人，大家唯有死死地氣咁食…食得勁飽… 但跟住我又約左中同食飯，都出左先算啦… 出到去就周圍睇下食咩，最後決定等9點打邊爐… 訂左位就去附近m記食少少野同吹下水， 返到去要9.半先食到，但我10.就要走， 幸好d野黎得勁快，我都算食得飽o既~咁快要走真係唔好意思… |
| 今朝晨咁早要去補習，凍到不得了… 臨急抱佛腳補英文，都唔知可以點同佢溫… 之後返一返屋企食飯就出左去， 夜晚執埋d野準備返中大啦，聖誕假終於都完結… 去沙嗲王食埋飯先走，飽到不得了… 返到好耐冇返過o既ihouse，竟然多左部電視機… |
| 最後一個sem o既開學日~得一堂要上，仲要唔係major… 落CC上個心理學o既free elect，架校巴慢到丫… 去到好似得我一個yr3，都冇咩所謂o既… 跟住上返本部搞下add drop…嗯…點take好呢d科… 搞掂之後去補習，之後入完貨返中大食pizza~ |
| 今朝要上早堂，第一次享受到ihouse專車，爽呀~ 落到CC上堂major，去到已經座無虛席，局住坐第一行… 淨係傾tutor時間都傾左幾個字，唔明點解d IE yr2忙成咁… 跟住果個半鐘，都係響周公同prof之間周旋… 之後上本部，上個中文oral~想提升下自己口語技巧~ 至於點解唔take英文…我自問中文都未搞掂，梗係讀中文先啦！ 呢堂都應該幾得意，希望真係幫到我啦~ 跟住食個飯都去補習… |
| 今朝去sit堂，又係寫game，去到空無一人， 唔知幾時改左地點我都唔知，好彩附近搵到電腦… 去到一個人都唔識，之後都係得1個CE人入黎… 我估我都係唔會take，同上個sem果個又咁似… 食完飯返lab hea下，之後上心理學堂~ 第一堂lecture，好熱鬧呀個班房… 好難得有堂係唔想咁快落堂，好興奮呀~ 雖然有3個quiz兩份written功課，雖然要讀好厚本書， 但憑住我果dd興趣，呢科都應該讀得幾開心o既~ 之後去補習，食完飯都返宿~ 今晚出GPA啦，創左歷史新低，天啊… 不過我又反而冇乜唔開心，其實都預左~ 今個sem都係咁比人屈機，最緊要自己學到野就得啦唉~ |
| 今日得果一堂，上完就出左去食飯補習… 聽日細路考完試啦，唔知幾時先繼續補…休息下啦~ 夜晚返到宿吽左宿就去左NA食飯，有人請，好野~ 之後上左人宿吹水…吹左兩個鐘，又有手信收，多謝~ 仲撞o岩人地層聚，享用多碗糖水，正~ |
| 今日dayoff，但要上UC開會，講photo day安排… 一大班畢代坐響個課室度，拎左份野，聽左陣講解就散水… 我由宿來回步行o既時間…差唔多仲耐過坐響度o既時間… 返宿食個麵，之後落左CC借舊GPS for FYP用… 但呢個一來係十年前款式，二來都駁唔到電腦果d， 真係得物無所用…拎黎玩下然後report寫兩句算啦… 之後去搞下add drop…drop左個寫game course先… 今晚吽響宿，聽日先返屋企~ |
| 今日都幾晏起身，但都仲想繼續訓… 食個麵上陣網都走啦，去沙田兜陣都返屋企~ |
| 今日訓到好晏，好幸福呀~食完個tea就出去飛髮… 上次剪到個頭太短，結果隔左足足兩個半月先再剪… 新一年試下轉另一間飛髮舖啦，裝修都唔錯o既… 我一去到就叫我坐低，但當時都冇位我坐… 冇幾耐洗完頭就一直坐響度，up住個頭勁耐都冇人理… 最後連包住個頭o既毛巾都跌埋落地，都係冇人理… 不過佢多人又請得人少，我唔應該怪佢o既… 最後終於用10分鐘極速同我飛完個髮， 仲同我解釋後面應該剪得幾長先好睇…well… 返屋企食埋飯，睇陣勁歌都返中大啦~ |
| 黎到星期一，又要上堂啦…得一堂心理tuto… 嘩今日中英夾雜，聽得都幾辛苦… 仲要好多英文term唔識，下次要拎部字典去… 上完堂冇野做，返宿hea啦~ 今日真係幾勤力，又走去做FYP… 寫左堆code，又試左部GPS，不過試極都唔work… 夜晚去shaw食個飯又返宿hea啦~ |
| 今朝早堂，睡魔急call，好辛苦撐左兩堂，不過我覺得值得！ 同埋呢堂CC上，我冇理由咁笨特登搭車落去訓覺架… 雖然d飛機椅又真係幾舒服， 撞鬼佢~ 上完又要上本部上中文oral，今堂教正音， 又係語精果種矯枉過正…不過呢堂都幾好玩o既其實~ 之後又落CC問個tutor件GPS點用，終於成功用到一次啦… 跟住返宿hea，噚晚收到本紀念冊，估唔到大學都會收到，寫下先~ |
| 今日得一堂心理，訓到1點先起身，勁爽~ 估唔到搭10分車都要31分先入到課室，分分鐘由沙田去仲快d去到… 今堂都有唔少討論分享同現實例子，好好笑~ 都係果句，兩個鐘o既堂真係唔想咁快就完~ 上完就返宿啦，今晚繼續hea下~ |
| 今日5,6,7,8堂直落，幸好上完第6堂tuto都有幾個字比我食飯… 久違了o既頹飯！簡直重回 year 1 o既時代咁… 之後急急上本部上oral，今堂都有唔少笑料… 夜晚去左新莊o既交職典禮，估唔到我去都有個牌仔… 嗯…今次o既rundown都唔錯，同埋以老鬼身份去，零舍輕鬆~ |
| 今朝要上月會，之前仲要去賤build拎份agenda， 晏晝又要同d professor開會… 今次月會本來打算去訓，但都只係訓左一兩分鐘… 食完飯去lab hea陣就要開會啦… 呢次會要follow返上次傾o既野， 唔知係以前冇乜點執過定點，成個課程勁多野要執， 仲要d professor有幾個問題拗左好耐， 結果傾左4個鐘半先完，真係誇張… 跟住即刻返屋企食飯啦…返到去都8點… |
| 今日又要返去公司傾野，仲有唔少野要執， 但還好舊野o既使用程度開始增加，總算唔係白做… 本來諗住做多陣先走，但之後又有野做… 夜晚響屋企icq輕鬆下啦~ |
| 今日又可以訓足十個鐘啦~好野~ 新年就到，有蘿蔔糕食，好野~ 食飽就要開工啦，哎呀，都唔知做完仲有冇錢收… 晚飯食完又返中大啦，返去都幾凍呀… |
| 今朝一早去洗牙…真係十年都冇幫襯中大clinic一次… 去到等呀等，等左半個鐘終於有得洗… 我上次洗牙都應該係小學o既事(!)，都有成10年啦哈哈~ 還好我刷牙有方，咁耐冇洗都冇乜事，但話我牙肉發炎喎? 跟住出去等陣又要再檢查，淨係漱下口篤下d牙就得， 結果洗牙收$32檢查都要$16，其實可唔可以唔檢查架… 不過呢個價洗牙都算好抵，可惜我最後一年先至享用… 洗完就返宿hea陣，之後上心理tuto， 然後就上lab hea，其實都有一路做住FYP架… 夜晚食完中菜廳就返宿…估唔到倉頡速成都有咁多好笑野~ |
| 今朝早堂，都幾辛苦，頂唔順訓左一會兒… 之後oral堂，社交口語…令我諗起上莊交職果陣… 要同d素面謀面o既人social…對我黎講真係幾困難… 跟住食完飯就返宿等今晚o既CE團年飯… 之前兩年都出去食，搞到果度一塌糊塗， 今次響NA staff can食，諗住大家會檢點d啦… 結果大家o既暴民本性都顯露哂出黎， 一大盆肥牛可以唔使一分鐘就比人掃清光， 進行CE傳統儀式果陣就更加嚇死人… 都唔明點解我呢一年摺左咁多，都係仲係比人玩果個… anyway今晚團年飯都盡興o既，辛苦莊員啦~ 跟住去左shaw行下個大笪地，原來大部份地方都係玩攤位， 我地一行幾人就玩哂十個攤位，贏左隻細公仔… 之後玩埋個彈床同等埋抽獎就返宿啦~期待兩日後千人宴~ |
| 今日食完晏去左UC試袍，都撞到幾多人… 無啦啦講到話件袍似浴袍，咁o岩輔導處果度d裝修似桑拿…well… 試完就趕返落CC上心理，今堂都係響一堆笑聲中渡過… 今晚得閒睇下本心理書先，鬼咁厚，唔知幾時先睇得完… |
| 今日又落CC上major，然後又趕上本部上中文oral， 呢堂做role play報新聞，都幾盞鬼~ 之後就去lab準備見老細…可惜老細開會唔知開到幾點… 唯有繼續響lab hea，等住夜晚去shaw千人宴~ 3年shaw千都有去，始終都係覺得shaw千搞得最好~ 我覺得今年尤其是玩得開心，真係high過落d~ 今次有soler顏福偉喬寶寶kellyjackie何韻詩林子祥， 喬寶寶同林子祥真係冇得頂，叫到我失哂聲… 之後上左宿舍hea陣，又有d gap野笑左大家好耐… 跟住返宿啦…聽日執埋d野返屋企過新年~ |
| 今日終於可以訓晏啦，食完麵執下野就返屋企啦~ 放低野hea陣又出去，今晚同網友去維園行花市~ 去到首先搵野食，行左成條街都搵唔到好野， 最後都係去返網友指定食肆－大家樂… 食完之後等齊人就出發，今次前前後後都有10個人，幾熱鬧~ 今年除左電視介紹果d之外，其他公仔都唔靚o既… 比中同捉住買左隻漏氣狗爪，成為今晚唯一收穫… 年廿八維園都幾迫下，但總算行哂乾貨果part~ |
| 今日年廿九…日頭都冇咩節目， 夜晚就響樓下食左餐勁豐富o既團年飯，其實係豐富過頭啦… 跟住就返屋企上網…好多年冇試過大除夕晚響屋企過啦~ |
| 年初一…祝大家身體健康、一團和氣吧~ 今年相信都係近年o既年初一過得最平淡o既一次… 朝早都係食下齋，但阿婆已經缺席， 其實由噚晚開始都唔舒服，到今日好似情況惡化呢… 最後都要call白車入院，結果就成家人走哂咁滯… 成個下晝都勁得閒，真係有d始料不及… 夜晚去醫院探阿婆，精神返好多啦，休息返幾日吧… 跟住就返屋企食飯，夜晚都係上下網睇下電視啦~ |
| 今日一早落去飲茶開年，唔知點解9.幾起身都咁辛苦… 其實都好耐冇同屋企人飲茶啦，都要珍惜下~ 食飽之後就去左拜年…食埋晚飯先返屋企呢… |
| 年初三，又係去車公廟o既日子啦~ 首先去左阿姨度食個好豐富o既早餐… 雖然未夠8點就要起身，但都算值得吧~ 食完hea陣就出發去車公廟…好多人啊… 上香果陣仲比兩支香辣親，勁痛… 搞掂之後就返左荃灣唱K，點幾鐘仲有lunch k，good~ 其實都好耐冇唱K啦…不過呢排都冇聽新歌，都係唱舊歌… 唱完就返屋企訓返陣晏覺先…好少可咁早起身啊… 跟住出醫院探阿婆，之後就去拜年啦… 哇…呢度係荃灣半山，真係氣派非凡… 間屋唔算特別大，但樓底好高，仲有無敵海景露台… 食左餐飯…吹下水就返屋企啦…有專車直達屋企，good~ |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |