1月1日 |
1月5日 |
1月6日 |
1月7日 |
1月11日 |
1月13日 |
1月14日 |
1月15日 |
1月19日 |
1月20日 |
1月25日 |
1月26日 |
1月31日 |
| 「yeah!~~~~~~」所有蘋果燈一次過著哂，表示新o既一年來臨喇， 2002年o既新年願望就係希望自己有多D時間，完成我想做o既野~ 倒數過後，就慢慢離開時代廣場，萬幾人慢慢迫入地鐵站， 1點9終於返到屋企… 發左個奇怪的夢…[才查]住架爛飛機然後墮機，撞到好多野， 但自己完全冇受傷…元旦發埋D咁o既夢…真係唔知暗示乜野… 中午去飲茶後，返屋企溫埋D phy， 夜晚就去阿姨屋企參加新年party， 都好熱鬧下，而且有唔少野食，仲得到$20利是…幾好丫 聽日開始考試喇，努力! |
| 新年第二日就要考試，行返學校途中先知原來成個荃灣區 幾乎得本校係今日開學…街上非常之冷清… 第一科係考三個鐘o既physics，我都唔知算做得好唔好， 大概有3成唔識吧? 希望識做o個D冇乜點錯啦… |
| 考試第二科：英文作文同埋practical skill 考成點：算係咁啦，時間就「吻」水左D，寫到隻手好[支力]… 聽日考邊科：pure |
| 考試第三科：Pure 考成點：又勁緊張，又難做，又勁想去toilet，差D要舉手投降， 如果合格就真係要還神喇… 考完三科終於可以鬆一鬆，下晝同夜晚都係勁上網， 搞埋個project同埋chat下咁~ |
| 今日係學校一年一度o既舊生日，我身為舊生會幹事就梗係要返去啦， 首先下晝有籃球比賽，原來我唔打算返去，因為仲未考完試， 但因為要拎D野去，唯有帶埋本書返學校溫… 坐響個counter度，見到唔少師兄師姐， 仲有D一家大細都黎埋，我突然變成全場最細o個個… 轉眼間波就打哂，個天好快就黑哂，於是就開始晚上o既活動－BBQ， 響學校燒野食今次係第二次，諗番起第一次響學校燒… 係forever…即係殺警案發生o個日…諗起o個晚真係幾驚… 燒到10點左右，跟住影埋相，執下野咁樣，都已經成11點， 之後成班舊生會com仲去埋食糖水，隨行仲有位八幾年畢業o既師兄， 佢係某公司director(勁!)，佢畀左好多意見我地， 一傾就傾到11點8，好彩佢肯車我地返屋企，12點正就去到樓下~ |
| 晏晝忙住搞舊生會個網同埋溫一溫聽日考o既中化， 夜晚出佐敦食buffet，預祝細佬生日， 都唔少野食，仲有好耐冇見o既辣酒煮花螺，食左成10隻，正! |
| 考試第四科：中化 考成點：嘩o下，一日考三份卷，寫到手都軟，不過都應該冇乜大錯 聽日考邊科：又係英文 夜晚成家人落樓下食飯，慶祝細佬生日，D野都幾好食，唔錯~ |
| 考試第五日：又係英文 考成點：普普通通咁啦… 聽日考邊科：Applied (最後一科，yeah!~) |
| 今日係最後一日考試，又係坐足三個鐘， 好彩今次applied唔算好難… 考完試，就諗下點樣去慶祝，結果食完飯都未諗好， 周圍行左陣，又去左體育館，跟住又去圖書館， 去到圖書館就突然醒起自己想去中央圖書館行下， 於是就即刻搭地鐵去了…嘩！真係好似酒店咁靚喎！ 首先去左個地圖展，一睇就睇左成粒鐘， 跟住逐層參觀，真係好大，好多書，好多電腦，好舒服~ 可惜冇帶相機去…去到差唔多五點，就遊下地鐵河， 去到北角轉線站轉觀塘線兜番去荃灣，一日內經左31個站… 差唔多六點返到屋企…勁眼訓…訓左個晏覺… 食完飯就搞搞班網…都搞左成晚咁滯… |
| 假期第一日，唔較鬧鐘，一訓訓到11點！ 成日都係搞埋個project同整下呢個網咁，都冇出過門口… 好耐未試過過一個咁優閒o既日子喇~ |
| 下晝同家人出去食韓國燒烤，好耐冇燒過喇(去韓國時都冇得燒…)， 仲有兩碟辣辣泡菜，正！食飽之後去宜家傢俬公司買傢俬， 跟住返屋企拆開買左D野，點知一拆：「啊!!!」 成支鐵線插左入食指，即時爆哂血，仲痛過去捐血， 結果要用左手郁mouse，打字極為麻煩… 無啦啦有血光之災，真係激死… |
| 成日都響屋企整wic新版，整到興起，都唔想停… 夜晚去熊貓酒店頂層食火鍋自助餐，個景就幾靚， 不過唔夠多野食，下次都係去返幸X樓食好D… |
| 今日同五名朋友們去踩單車，同9月30日o既路線一樣， 10點鐘出發，途中遇到唔少小意外，例如有人跌親、 幾架車甩左鍊、仲有單車壞左(之後先發現原來係極小問題…)， 不過都順利響2點左右去到大尾督， 食左個泰式河粉後去到船灣大壩，影左D相後回程， 返黎o個陣見到成個天都係一層層染成橙色o既雲，真係靚到爆~ 6點鐘準時返到大圍交車，夜晚淨番兩個人去pizza hut食飯， 之後就搭車返屋企啦…今次冇上次咁[支力]，只係左腳抽過筋… |
| 連續半個月o既天晴日子終於結束，今朝開始有D毛毛雨了… 晏晝同朋友們唱K，再去又一城踩冰，返到屋企都已剛好夠鐘食飯… |
| 今朝一起身，見到盤種左成個月o既花終於都發芽，總算冇白費到心機… 下晝同另一班朋友們去唱K，三個人去有三支咪，唱到失哂聲… |
| 今日係七日假期最後一日…時間過得真係快~ 成日都係響屋企寫wic…結果呢七日都寫唔哂… |
| 今日係check卷的日子，又要一早起身，差點唔知醒… 趕忙食過早餐後就撲返學校了。第一科check的是pure， 初頭都預左唔係咁好了，結果都係差D，失望就當然有了， 不過都唔算傷心，始終自己都唔係花太多時間去計數， 唯有下學期盡番下力啦…跟住係phy，都唔係咁好啦， 但唔知阿sir點計D分，最後竟然合格… 接著淨番中英文同applied，成績都還可以吧， 令人意外的就係英文作文竟然有7/9…神奇呀~ 整體黎講，今次考試都過左自己o個關啦， 不過始終畀人個感覺都唔係咁理想，下學期…努力啦！ |
| 今日返學校只係[才羅]一張分紙，原本應該9點就放學， 但結果8點15分已經派哂D分紙， 結果用左淨低D時間黎搞掂番phy o既分數， 之後仲調埋位，我竟然調左去尾二o既位， 真係驚到時訓得仲勁過以前… 放學之後無所事事，就去處理一下舊生會個banner， 返到屋企只係10點幾，就訓左個覺， 跟住成日都係整一整wic新版… 夜晚部機畀細佬用，於是用左成個鐘時間黎睇地圖… 真係好耐冇試過咁「優閒」… |
| 訓到成11點幾先起身，午飯後優閒咁上網… 夜晚又落樓下食飯，都幾豐富下，食得好飽… |
| 下晝同阿媽D friend唱K， 夜晚越黎越凍，所以去左打邊爐， 仲整左個麻辣湯底，辣到條[月利]痹哂， 不過真係好正，但聽日塊面唔知會點… |
| 成個月冇上過堂…今日終於正式上堂啦~ 今日又正式坐新位，仲要每日調位，真係極度刺激~ 第三任班長又係我做過，頭兩堂空堂幾乎冇得抖… 跟住小息lunch都係四圍走， 好彩放學之後冇乜野做可以早D返屋企抖一抖， 寫個program計下每日坐邊個位寫到食晚飯， 食完飯仲要搞舊生會個行山活動仲要做功課， 仲諗住第一日可以得閒D點知都唔係… |
| 今日坐最後一個位，結果都係忍唔住訓著， 睇黎要試下朝早飲杯咖啡提下神… 放學一口氣開左兩個會，五點幾返到屋企， 晚飯後淨係睇書都已經睇到成11點… |
| 今日tun左去第一個位坐，不過都係忍唔住訓著左幾秒… 真係唔知點解眼訓成咁… 放學開maths club o既會，返到屋企終於搞掂個座位表… 夜晚唔知做乜事…喉嚨有D唔舒服咁…希望冇事吧… |
| 今日都仲係好眼訓…而且好凍…都唔知咩事… 放左學去開會…成四點幾先人齊， 結果開到六點幾先開完，返到屋企天都黑哂… |
| 今日每堂少個字，時間好似過得特別快， 轉眼間八堂就過左，之後入hall聽「著名女指揮家」主持的講座， 個講座係幾有意義，不過就嫌悶左少少… 一出番黎個天矇哂，仲落住毛毛雨，能見度好低… 希望聽日行山天氣好D啦… |
| 今日再次參加hiking club的行山活動，原本舊生會係一齊搞， 但可能因為星期六舊生要返工，結果只有三位「舊生」參加… 同平時返學一樣咁早起身，然後去超級市場幫手買用品， 再去凍肉鋪買野食，拎到手都軟，返到學校都已經成9點， 齊人之後就搭專車前往目的地－鶴藪水塘，去到剛好10點鐘， 去到水塘主壩影集體相後，就開始出發，繞住水塘行個圈… 一開始o個陣已經有少少雨粉，之後雨勢時大時細， 而且一路落雨就越黎越凍，最凍時度得只有10.5度… 因為落雨關係，令到原本已經幾跣下o既路更加跣， 一個唔覺意就碌落山都似… 今次條路唔算長，行左兩個鐘就考完，原本之後係有燒烤活動， 但見仲有毛毛雨，大家傾左一輪繼唔繼續燒， 結果都係決定照原定計劃咁燒…點知個天始終都要玩野， set好個爐之後，雨越落越大，大家要擔哂遮黎燒， 但始終都要成身濕哂，真係狼狽到極… 其間仲發生個好怪的現象…唔單止講野會噴煙， 連把遮同D衫都會出煙，好得意… 燒左成三個鐘，都已經食得八八九九， 雨就剛好停哂，仲有少少太陽… 執埋哂D野就搭番車番學校，成身都已經好污糟， 返到屋企第一件事…當然係沖涼啦… 嘩…估唔到今日日記寫到咁長… |
| 11點幾起身…諗住成日都係上網… 點知上到3點阿媽打黎約我去唱K， 於是就冒住寒冷o既天氣出去…唱左個幾鐘， 然後出旺角買鞋準備過年， 之後去酒樓食飯，飽飽後就搭極速小巴返屋企 借左部相機畀人，所以今日冇相睇… |
| 一朝早又有兩個宣佈…點知兩個都up錯資料…真失敗… 無啦啦畀人拉左去玩英文debate…會考oral得D都竟然搵我玩… 放學之後去briefing…嘩! 要train成十幾日，真係得人驚… 都唔知自己仲抽唔抽到咁樣的時間出黎… |
| 今日食飯o個陣，無啦啦講起中學banding由五改三有咩壞處， 點知食完飯之後得知debate o既題目就係呢樣野…真係巧合… 放左學去maths club教人數手指計星期幾， 不過好似教得唔係好自然咁，又唔係好知點講咁… 希望禮拜五教javascript會教得流利D啦… 話時話，個javascript班有18人參加… 都算係幾「踴躍」，真係有D驚喜… |
| 第一堂一開始阿sir就話要趕住去大會堂，講左幾句就走左了… 原本應該會用淨低的一個鐘頭黎做exercise， 但結果因為相討英文project分組的事而用哂成個鐘… 我真係睇唔出，平時大家有講有笑咁， 原來心裡面諗o既野係完全唔同…真係唔知點先解決到呢個問題… 小息之後o個堂響MMLC上，阿sir叫我地上班網post D野， 點知大家就趁機會聽歌、上ICQ…個個都玩到忘哂形， 雖然係好好玩，但我諗阿sir見到咁樣下次都唔會畀我地再咁搞法了… 放左學去秘密影相，搵左大堆miss阿sir同埋同學影相， 可惜唔少miss都拒絕被攝，結果搞到四點先影完… |
| 今日PE堂，但搭[車立]落到樓下先醒起未拎對鞋， 即刻趕返上樓拎，差D遲到，返到學校即刻忙到七彩… lunch成班讀pure的同學一齊去左酒樓食飯， 如我所料，成班人真係分開哂兩檯黎坐， 好似就係兩派人咁o岩坐埋一齊食飯咁， 我就好奇怪咁同原本唔多熟o既一派一齊坐… 之後隔離檯走先，miss最後請哂我地呢檯… 放左學之後去聽阿sir講解debate o既準備工夫， 聽到好想訓覺…最後講到五點先講完… 之後仲同同學傾左一陣，過左六點先返到屋企， 係今年最夜的一次… 夜晚準備12張請柬畀miss阿sir搞左成晚… |
| 2001 | 6 | 7 | 8 | 9 | 10 | 11 | 12 | 月 | |||||
| 2002 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2003 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2004 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2005 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2006 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |
| 2007 | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 月 |